Vegna uppfærslu á Rafrænni Reykjavík (mínar síður) verður ekki hægt að vinna inn í kerfinu frá kl. 08:00 miðvikudaginn 28. maí, áætlað er að kerfið opni aftur kl. 08:00 föstudaginn 30. maí. Starfsmenn borgarinnar og íbúar munu ekki geta notað Rafræna Reykjavík á meðan uppfærslu stendur.

Skólaslit Nýja tónlistarskólans verða í Grensáskirkju þriðjudaginn 27.maí kl.18. Við viljum hvetja nemendur til að mæta og taka við prófskírteinum sínum og auðvitað í leiðinni að þakka kennurum sínum fyrir veturinn. Skólaslitin taka ekki nema um 40 mínútur. Boðið er upp á mikið af tónlist þannig að engum ætti að leiðast! Foreldrar og ættingjar eru hjartanlega velkomnir.

Almennir vortónleikar Nýja tónlistarskólans verða mánudaginn 19.maí og föstudaginn 23.maí og hefjast tónleikarnir kl.18

Anna Kristín Þórhallsdóttir, sópran, heldur framhaldsprófstónleika sína sunnudaginn 18.maí kl.16 í Safnahúsinu Hverfisgötu (áður Þjóðmenningarhúsið). Á efnisskránni eru verk eftir Fauré, Mozart, Schubert, Tchaikovsky, Grieg, Barber, Gluck, Pál Ísólfsson, Karl O. Runólfsson og Áskel Jónsson. Meðleikari á píanó er Bjarni Þór Jónatansson.  Aðgangur ókeypis og allir velkomnir.

Karítas Þorvaldsdóttir, sellónemandi, heldur framhaldsprófstónleika sína laugardaginn 24.maí kl.14 í sal Tónlistarskóla Garðabæjar. Á efnisskránni eru verk eftir Bach, Brahms, Rachmaninoff og Jón Nordal. Meðleikarar á píanó eru Vilhelmína Ólafsdóttir og Erla Rut Árnadóttir.  Aðgangur ókeypis og allir velkomnir.

Óskar Magnússon, gítarnemandi, heldur framhaldsprófstónleika sína, í Fríkirkjunni í Reykjavík, fimmtudaginn 22.maí kl.19. Á efnisskránni eru verk eftir Albeniz, Bach, Barrios, Savio, DeFalla og síðast en ekki síst; eitt verk eftir sjálfan sig. Aðgangur ókeypis og allir velkomnir.